ජන හා සංඛ්‍යාලේඛන අංශය
ජන හා සංඛ්‍යාලේඛන අංශය
දැක්ම : නිවැරදි හා කාලෝචිත සමාජ ආර්ථික තොරතුරු පද්ධතියක් පදනම් කර ගනිමින් නිවැරදි තීරණ ගැනීම තුළින් ශ්‍රී ලංකාවේ සංවර්ධනය හා සමෘද්ධිය ළඟාකර ගැනීම දෙපාර්තමේන්තුවේ දැක්ම වේ.
මෙහෙවර :-ශ්‍රී ලාංකිය දේශය හා එහි ප්‍රජාව උදෙසා වඩා යහපත් අනාගතයක් උදා කෙරෙන සැලසුම් සම්පාදනයටද, සංවර්ධන ප්‍රගතිය හා අනෙකුත් සමාජ, ආර්ථික ක්‍රියාදාමයන් ඇගයීමටද,අප දේශයේ ආර්ථික සහ ජන ජීවන මට්ටම කෙරෙහි විවිධ රාජ්‍ය ප්‍රතිපත්තීන්හි බලපෑම ගණනය කිරීම සඳහාද අවශ්‍ය වන්නා වූ නිවරද්‍ය හා කාලීනමය සංඛ්‍යාන තොරතුරු රුස් කිරීම, සැකසීම හා ප්‍රචලිත කිරීම ,ජන හා සංඛ්‍යාලේඛන දෙපාර්තමේන්තුවට පැවරුණු මෙහෙවර වන්නේ ය. මෙම උදාර කර්තව්‍ය සඵල කරදීම සඳහා අපි එකමුතුව වැඩකර දැයේ දියුණවට දායක වෙමු.
අරමුණු හා පරමාර්ථ:-
සංවර්ධන සැලසුම් සකස් කිරීමේදී ප්‍රමාණවත් දත්ත හා තොරතුරු නොමැතිකම ගැටළුවක්ව පවතින මෙවන් අවධියක අරමුණු මුදුන්පත් කර ගැනිමට අනුගතව සැලසුම් සකස් කිරීම සඳහා සංඛ්‍යාන තොරතුරු යාවත්කාලීන කරමින් පවත්වාගෙන යාම සංඛ්‍යලේඛන අංශයේ ප්‍රධාන අරමුණයි.
හම්බන්තොට දිස්ත්‍රික් ලේකම් කාර්යාලයේ සංඛ්‍යාලේඛන අංශය, ජනගහනය, කෘෂිකර්ම, වෙලඳ හා සේවා, අධ්‍යාපනය, සෞඛ්‍ය,ශ්‍රම බලය, දේශපාලනය හා ඓතිහාසික තොරතුරුද ඇතුලත්ව විවිධ ක්ෂේත්‍ර රාශියක් පිළිබඳව සංඛ්‍යාත්මක දත්ත හා තොරතුරු රැස් කරනු ලබයි.
