මාගම් රුහුණුපුර පරිපාලන සංකීර්ණයේ සේවය කර පසුගියදා ස්ථාන මාරුවීම් ලැබ ගිය මාණ්ඩලික නිලධාරීන්ගේ සේවය ඇගයීමේ වැඩසටහනක් 2022.09.09 දින පස්වරුවේ එම සංකීර්ණයේ දිස්ත්රික් ලේකම් නිල රැස්වීම් ශාලාවේදී පැවැත්විණි.
දිස්ත්රික් ලේකම් එච්.පී.සුමණසේකර මහතාගේ ප්රධානත්වයෙන් පැවති මෙම වැඩසටහන හම්බන්තොට දිස්ත්රික් මාණ්ඩලික නිලධාරී සංසදය විසින් සංවිධානය කෙරෙණි.
දිස්ත්රික් ක්රමසම්පාදන ලේකම් කාර්යාලයේ සේවය කළ නියෝජ්ය අධ්යක්ෂ චතුරාණි ජයසිංහ, දිස්ත්රික් ආපදා කළමනාකරණ සම්බන්ධීකරණ මධ්යස්ථානයේ සහකාර අධ්යක්ෂ ලෙස කටයුතු කළ ප්රභාත් මොල්ලිගොඩ, එම අංශයේ ම සේවය කළ නියෝජ්ය සහකාර අධ්යක්ෂ දීපාල් ජයතිලක යන මහත්ම මහත්මීන්ගෙන් එම සේවා අංශයට සහ දිස්ත්රික්කයට සිදුවූ සේවය ඇගයීම මෙහිදී දිස්ත්රික් ලේකම්තුමන් විසින් සිදු කළේය. එසේ සිදුකළ සේවයට උපහාරයක් ලෙස සමරු තිළිණයක්ද එතුමන් විසින් මෙහිදී පිරිනැමිණි.
