අභිමානවත් 74 වන ජාතික නිදහස් දින සැමරුමට සමගාමීව හම්බන්තොට දිස්ත්‍රික් සැමරුම් උත්සවය චමල් රාජපක්ෂ ආයුර්වේද පර්යේෂණ රෝහලේදි හම්බන්තොට දිස්ත්‍රික් ලේකම් එච්.පී.සුමණසේකර මහතාගේ ප්‍රධානත්වයෙන් පැවැත්විණි.

ජාතික ධජය එසවීමෙන් උත්සවයේ වැඩ ආරම්භ විය.අනතුරුව ජාතික ගිය ගායනා කර අනතුරුව දේශයේ නිදහස වෙනුවෙන් උර දුන් හෙළ විරුවන් හා රණ විරුවන් සිහි කරමින් විනාඩි දෙකක නිශ්ශබ්දතාවයක් පවත්වන ලදි.

පසුව හම්බන්තොට පුරපති එරාජ් රවින්ද්‍ර ප්‍රනාන්දු මැතිතුමා, දිස්ත්‍රික් ලේකම්තුමා,අතිරේක දිස්ත්‍රික් ලේකම්තුමන්ලා ඇතුළු පිරිස විසින් ආයුර්වේද පර්යේෂණ රෝහල ඉදිරිපිට සහ ප්‍රවේශ මාර්ගය දෙපස රුක් රෝපණ වැඩසටහනකටද එක්විය.

මෙම සැමරුම් වැඩසටහන දිස්ත්‍රික් ලේකම්තුමාගේ උපදෙස් පරිදි දිස්ත්‍රික් ලේකම් කාර්යාලයේ කාර්ය මණ්ඩලයත් චමල් රාජපක්ෂ ආයුර්වේද පර්යේෂණ රෝහලේ අධ්‍යක්ෂ වෛද්‍ය මනෝරි ඩයස් මහත්මියගේ මගපෙන්වීමෙන් එම කාර්ය මණ්ඩලයත්,ආපදා කළමනාකරණ ඒකකය,සහ තවත් ආයතන කිහිපයක් එක්ව සංවිධානය කෙරිණි.