කෘෂි ව්යවසායක අවුරුදු පොළ හම්බන්තොට පරිපාලන සංකීර්ණයේ දී පැවැත්විණි
==========================================
කෘෂි ව්යවසායක අවුරුදු පොළ හම්බන්තොට දිස්ත්රික් ලේකම් / දිසාපති බිමල් ඉන්ද්රජිත් ද සිල්වා මහතාගේ ප්රධානතවයෙන් හම්බන්තොට පරිපාලන සකීර්ණයේ දී ඊයේ (11) දින පැවැත්විණි.
මෙහි දී කෘෂිකාර්මික ක්ෂේත්රයේ නියැලි ව්යවසායකයන්ගේ නිෂ්පාදන ඇතුළත් අළෙවි කුටි රැසක් දක්නට ලැබුණු අතර පළතුරු, විවිධ පැළ වර්ග, කෘෂිකාර්මික නිෂ්පාදන රැසක් මිල දී ගැනීමට අවස්ථාව සලසා දෙන ලදි.
මෙම අවුරුදු පොළට සමගාමීව අවුරුදු නැකතට පැළයක් හෙළ සිරිතට පණ පොවන්න "සරු පැළයක් වැඩි අස්වැන්නක්" ජංගම අලෙවි ප්රදර්ශනයක් ද පැවැත්විණි.
අප්රේල් 18 දින පෙ.ව. 10.16 යෙදෙන සුබ නැකතට නැගෙනහිර දිශාව බලා කෘෂිකර්ම දෙපාර්තමේන්තුවේ ගොවිපළ නිෂ්පාදිත වටිනා පළතුරු පැළයක් සිටුවීම සඳහා අවශ්ය පැළ කෘෂිකර්ම දෙපාර්තමේන්තුවේ බීජ හා රෝපණ ද්රව්ය අලෙවි සැලකට ගොස් මිලදී ගත හැකි ය. (තොරතුරු, අලෙවි ප්රවර්ධන අංශය, නියෝජ්ය කෘෂිකර්ම අධ්යක්ෂ (බීජ) කාර්යාලය, බටඅත, හුංගම, 0472226004)
හම්බන්තොට දිස්ත්රික් ලේකම් කාර්යාලය, හම්බන්තොට නියෝජ්ය කෘෂිකර්ම අධ්යක්ෂ (පළාත්) කාර්යාලය, බීජ හා රෝපණ ද්රව්ය සංවර්ධන මධ්යස්ථානය එක්ව මෙම අලෙවි පොළ සංවිධානය කරන ලදි.
